Confirmation Email Sent

කුකුළෙක් අතින් ගත් කිකිළී

කුකුළෙක් අතින් ගත් කිකිළී සහ රත්මලානේ වෙනත් කතා ඇය කලින් කලට මතුවෙන කැමැත්තට අනුව කුකුළන් මාරු කළා ය. මාරුව කවරක් වුවත් ගෙදරින් එළි පහළියට යන ඕනෑම කාල හෝරාවක අතින් ගත් කුකුළෙක් නම් වරදින්නේ ම නැත. අතේ ඉන්නා කුකුළා අලුත් කුකුළෙක් නම් ඒ සටන් පුහුණුවට රැලෙන් වෙන් කර ගත් කුකුළෙක් ය. ගැන්සියෙන් වෙන් කර කුකුළෙක් හදනවා යනු ඌ හුදෙකලා කොට තැබීම වුවත් කිකිළී කරන්නේ ඌ වෙනත් වෙනත් ගැන්සි අතර කරක් ගස්සන එක ය. ඇය ඌ රැගෙන ඉඳහිට අපේ ගැන්සියට පවා ආවා ය.

නර්මදාවේ ගී රාවය

දැන් මගේ සිරුර එහි මේරීම පෙන්නුම් කිරීමට හදන විට සිදුවන වෙනස්කම් ගැන මට අහක බලාගන සිටිය නොහැකි වී ඇත. වීණාවේ බර මගේ වැඩී එන පියවුරුවලට දරා ගැනීමට බැරිය. මගේ මුහුණුවරේ සිදුවන මේ වෙනස්කම් සමඟ චිත්ත වේග ලෝකයේද වෙනස්කම් සිදු වුණේය. මගේ ඉන්ද් රියයන්ට සියලු දේ වඩා ශක්තිමත්ව දැනිණ. මට තවදුරටත් මගේ තාත්තාගේ සංගීතය නමැති බිංගේ තුළ ඩොල්ෆින් මාළුවකු ලෙස නිදහසේ පිනිය නොහැකිය. මගේ විරූපීකම මෙන්ම අම්මාගේ සිත්තැවුල ගැනත් මම වඩ වඩා සිතන්ට වූයෙමි. මගේ අවිනිශ්චිත අනාගතයත් මගේ ශාරීරික වෙනස්වීම් වගේම අබිරහස් ලෙසට මා ඉදිරියේ විශාලනය වෙමින් එයි. හදිසියේම මගේ තාත්තා ඔහු විසින් තදුරටත් මට සංගීතය ඉගැන්විය යුතු නැති බව

මුන්නක්කරේ සංසාරේ

සහලවා උණෙන් ඇඳට වැටී සිටිය ද ඔහුට වෙඩිකන්ද දෙසට යාමේ අභ් යන්තර කැඳවුමක් ලැබිණ. කැබිනෙට්ටුවට යාබද කුඩා කවුළුවෙන් අහස දෙස බලාගෙන ලතින් කන්තාරුවත් මතුරමින් උන් කත් රිනා, අහසේ නිස්කලංකව ගලා ගිය වලාකුළු හිටිහැටියේ ම කලබල වූයේ ඇයිදැයි සිතන්නට වූවා ය. කුස්සියේ දොර රෙද්ද මෑත් කළ දිවැසිවරයා දුටුවේ, ප් රීමස් පතරංග කලාලය මත පාවෙමින් සිටින බව ය. දිවැසිවරයා වේගයෙන් මිදුලට පැන ගත්තේ ය. ලැයිම් තොටුපළ දෙසින් එකවර ම අහසට නැගුණු මුහුදු ලිහිණි රෑනක් කුරුසියක හැඩයට පේළි ගැන්වෙනු, මිදුලට බට සැණින් උන්වහන්සේට පෙනිණ. උන්වහන්සේගේ ආතුර මනසට නැගුණේ අසීසියේ දිළින්දාගේ අපිස් මුහුණ ය. වෙඩිකන්ද දෙසට ලිහිණී රෑන ද, වලාකුළු ද

දුරුත්තේ කෝපි මල්

කවිය හා මිනිස් පැවැත්ම අතර මහරු සම්බන්ධයක් තිබේ. එය ප් රබන්ධය හා යථාර්තය අතර සම්බන්ධය වැනිය. සෞන්දර්යය ඇත්තේ ප් රබන්ධය තුළය. යථාර්තය නීරස නැත. එය මිනිස් පැවැත්මට තදනුබද්ධය. කවිය යනු ප් රබන්ධයේ මියුරු ඵලයකි. කවිය, මිනිස් පැවැත්ම මෙන්ම ප් රබන්ධය අවසානයේදී යථාර්තයට එළඹිය හැකි තර්කානුකූල සම්බන්ධයක් සොයයි. මේ එකී පරිසමාප්ත යැයි හැඟෙන බිම් පෙත වෙතට ගමනකි.

කළු උස මනුස්සයෙක්

'කළු උස මනුස්සයෙක්' ප් රින්ස් සේනාධීරගේ දෙවන කෙටිකතා එකතුවයි. කෙටිකතා අටකින් සමන්විත මෙම කෙටිකතා සංග් රහයලාංකේය නූතන කෙටිකතාව තුළ සුවිශේෂී සලකුණක් සටහන් කරනු ඇති බව බොහෝ දෙනාගේ පිළිගැනීමය. මිනිස් හැඟීම් හාහැසිරීම් හි සියුම් සංකීර්ණතා තම කෙටිකතා තුළදී මැනවින් ග් රහණය කරගන්නා සේනාධීර, ඒවා කෙටිකතා රචනා ශිල්පයේසංකීර්ණතා නොවන භාවිතයන් තුළින් නිර්මාණය කරන්නේ ලාංකේය ජන විඤ්ඤාණයේ ඉසියුම් තැන් මනාව ග් රහණය කර ගනිමිනි. නූතන ලාංකේය සමාජ යථාර්ථය නිරූපණය කරලීම උදෙසා ප් රින්ස් සේනාධීර 'කළු උස මනුස්සයෙක්' කෙටිකතා සංග් රහය තුළ ප් රකටකරන ප් රතිභාව ප් රශස්තය.

ලුලූට පවුල් දෙකක්

ලුලූට පවුල් දෙකක් මගේ අම්මගේ නම වෙරොනික්. වයස විසිහයයි. අම්මාගේ වයස හදාගන්න එක හරි ලේසියි මගේ වයස දහයයි. මාව අම්මාට හම්බවෙලා තියෙන්නේ අම්මට වයස දහසයේදී. පුංචි කාලෙදිම අම්මා අනාථ දරුවෙක් වෙලා. ඊට පස්සේ හැදිලා වැඩිලා තියෙන්නේ, මං වගේ දරුකමට හදාගත්ත පවුලක. ඒ කියන්නේ අම්මා දන්නවා මං ඉන්න තත්ත්වේ!

යක්ෂාගමනය

බර්ටෝල්ට් බ් රෙෂ්ටි the resistible rise of arturo ui (අර්තුරෝ උයිගේ වැළැකිය හැකිව තිබූ නැග්ම) නම් දැවැන්ත දේශපාලන නාට් යය දෙවෙනි ලෝක යුද්ධයට මුල පිරූ ඇඩොල්ෆ් හිට්ලර් බලයේ මුදුන් හිනිපෙත්තේ සිටි 1941 වසරේදීයි. එය ජාතිකවාදය සහ යුදවාදය පතුරවමින්ද තිරශ්චිත ප් රචණ්ඩත්වය යොදා ගනිමින්ද බලයට එන අසමත් නායකයෙක් විසින් යටත් වුණු සමාජයක් විනාශය කරා ඇදගෙන යන ආකාරය ගැන ඇඟැවුම් කරන ප් රබලතම කතාවක් ලෙස නොකඩවා සම්භාවනාවට ලක් වේ. යක්ෂාගමනය වූ කලී මෙම සම්භාව් ය නාට් යයේ සිංහල පරිවර්තනයයි. එය 1994 වසරේදී නිෂ්පාදනය කරනු ලැබ, එම වසරේ රාජ් ය නාට් ය උලෙළේ සම්මාන දහයක් දිනා ගනිමින් විචාරකයින්ගේද, රසිකයන්ගේද නොමඳ ඇගයීම

මගේ දුක්ඛදායක සුන්දරියන් පිළිබඳ මතක

සිය අනුවත උපන් දින සැදෑවේ එක්තරා අවිවාහකයෙක් කත් යාවක් සමඟ වන වියරු ආදරබර රාත් රියක් තමා වෙතම පිරිනමා ගැනීමට තීරණය කරයි. තමන් විසින් සිය ගණනක් ගැහැනුත් මිලදී ගනු ලැබ ඇති එක්තරා ගණිකාහල් හිමිකාරිනියකගේ සහාය මේ සඳහා ඔහු ඉල්ලා සිටියි. ඈ විසින් ඔහු වෙත ලබා දෙන දාහතර වියැති ගැහැනු ළමයා මනබඳනාසුලු වුවත්, සිය බාල සහෝදර සහෝදරියන් රැකබලා ගැනීමෙන් හා බොත්තම් ඇල්ලීමේ තම දෛනික රැකියාවෙන් හෙම්බත්ව සිටින ඈට නිදා ගන්නවා හැරෙන්නට අන් කිසිවක් කළ හැකි නොවේ. තමන් පසෙක මේ සුන්දරිය නිදා සිටින අතර තමා විසින් කෙදිනක හෝ අත් නොවිඳින ලද ප් රේමයක් ඔහු තුළ අවදි වෙයි. ආදරය, දැනුවත් බව සහ කපටි හාස් යය කැටි කොටගත් මගේ දුක්ඛ

කුමර කොබෙයි

නිහඬ ගති පැවතුම් ඇති , කෘෂිකර්ම උපාධියක් හිමි ඉන්දිකා සිය දීර්ඝ කාලීන මිතුරිය හා ඇගේ හිතවතිය සමඟ නීතියෙන් සැඟවී සිටින සිය පෙම්වතා කාලිංග බැහැ දැකීමේ අරමුණින් යන ගමනක කතාවකි මෙය . අධිවේගී මාර්ග, දුෂ්කර අතුරු මාවත් දිගේ උතුරු ඇමරිකානු භුමිය මත ඇදෙන ඒ් සතියක ගමන ඇයට අධ් යාත්මයේ වන වඳුළු, ගිරි දුර්ග, මිටියාවත් මුණ ගස්වන්නේය. හදවතේ ගැඹුරද ජීවිතයේ සෞන්දර්යද කියා දෙන්නේය සිය පමාවු විවාහය තුළ තිබු අවනම්බුව මංමුලාව අයාලේ යාම මෙන්ම ගමනෙන් උකහා ගත් ප් රමෝදය මිත් රත්වය හා ආත්මීය අර්බුදයක ගැටෙන ඇය කියන කතාව හරහා තමාටද ලෝකයටද සිනාසෙන්නේ බිඳ වැටුණු ආත්මයක දෝංකාරය අපට ඇසෙන්නට සලස්වමිනි. වඩාත් සංකීර්ණ වර්තමානය

සැබෑ මිනිසෙකුගේ කතාවක් - විදර්ශන

මියුරු හඬ

බිළින්දෝ ළමයින් වන්නේ ද නැතිව වැඩිහිටියන් වනු පෙනිණ. වියෝ දුකකට කඳුළු වරමක් ලැබෙන්නට පෙරම පසු බා යා යුතු තරමට මිනිස් හඬවල් ගොළුවන සුළු අත්දැකීම් කඩා පහත් වී තිබිණ. වෙරළබඩ මිනිසුන් ට දේශපාලන ඉල්ලීම් දිනා ගැනීමට අසීරු වී තිබු නමුදු දරුවෝ මව් සෙනෙහස ඉල්ලන කැරලිකාරයන් වන්නේ පක්ෂයක්, පාර්ලිමේන්තුවක් ගැන දැන ගන්නට පෙරය. මියුරු හඬක් මතු වන්නේ එවැනි කැරළිකාරයෙකු ජීවිතයට අභියෝග කළ අවස්ථාවකය.

වරණ